Malinampuson nga ginpangunahan han Lokal nga Panggobyernohan han Alangalang an paghatag hin livelihood assistance ha 15 nga Persons with Disability (PWD) pinaagi han hog dispersal program.

Pinaagi hini nga ayuda, gintatagan hin higayon an mga benepisyaryo nga makagtikang hin ira kalugaringon nga panginabuhian pinaagi han pag-ataman hin baboy, nga ira magagamit ha pagdugang han kita ngan pagtagana han adlaw-adlaw nga panginahanglan han tagsa-tagsa nira pamilya.

An programa in kabahin han padayon nga paningkamot han LGU Alangalang ha paghatag hin oportunidad ngan suporta ha mga PWD.

Presente han mao nga aktibidad hi PDAO Sherly Relevo, MSWDO Marilyn Superada, RSW, MSWDO Staff, ngan Hon. Ketchie Rex Barrantes.