KITAA: Madagaang nga ginkarawat han Lokal nga Panggobyernohan han Alangalang an panguna ni Mayor Rosabel Costelo han LGU Talalora, Samar ha usa nga courtesy visit ngan benchmarking activity nga nakasentro ha mga best practices han Local Council for the Protection of Children (LCPC).

Ginhisgutan liwat an mga estratehiya ngan proseso nga nakabulig ha LGU Alangalang nga makakab-ot hin lima ka sunod-sunod nga tuig nga pagkilala ha Child-Friendly Local Governance Audit (CFLGA), usa nga maupay nga pamatuod han padayon ngan sistematiko nga paghatag prayoridad ha mga katungod ngan kaupayan han kabataan, nga nagtugway ha LGU Alangalang nga magin CFLGA Hall of Famer.

Ha pagpanguna ni Mayor Rosabel Costelo, iginpahayag han delegasyon han Talalora an ira kinasingkasing nga pagpasalamat ha LGU Alangalang tungod han madagaang nga pagkarawat, maopay nga pag-ataman, ngan pagpaambit han mga hibaro ngan eksperyensya nga ira magagamit ha pagpauswag han ira kalugaringon nga mga programa para ha kabataan.

Padayon nga nagpapakusog an LGU Alangalang han paningkamot nga magin ehemplo ha child-friendly governance, samtang malipayon nga nag-aambit han mga nahibaroan ngan maopay nga praktis ha iba nga mga lokal nga panggobyernohan.

Damo nga salamat, LGU Talalora!

#BenchmarkingActivity #LocalCouncilfortheProtectionofChildren

#UswagPaAlangalang

CLICK HERE: https://www.facebook.com/share/p/19ZofD9rxf/