4Ps Exited Beneficiaries

An tagsa-tagsa nga pamilya in nakakarawat hin usa nga baboy ngan tunga nga sako nga tubong, nga amo an panikang puhunan nira para ha pag-uma hin baboy ngan dugang nga pagkakakitaan. Pinaagi hini, ginlalaoman nga makakabulig ini ha pagpadayon han panginabuhi ngan pagsustento han adlaw-adlaw nga panginahanglan han ira pamilya.

Sumala ha MSWDO, mayda pa 7 nga pamilya nga magiging sunod nga batch nga makakakarawat liwat hin pareho nga livelihood assistance.

Dugang pa han mao nga opisina, an mga benepisyaryo hini amo an mga pamilya nga gin-endoso han Municipal Links han 4Ps-Alangalang ha panuyo nga mabuligan la gihapon hira bisan man kon diri na hira api han 4Ps.

Presente gihapon an iba nga mga Municipal Links han 4Ps-Alangalang ug sugad man hi Mr. Aljen Toledo tikang han opisina han Municipal Agriculture nga naggiya han mga benepisyaryo han sakto nga pagtimangno ngan pagpadako han mga baboy.

Para ha LGU Alangalang, an pagbulig diri la natatapos ha paghatag hin ayuda. Mas importante nga matagaan an katawhan hin higayon nga makagtikang hin ira kalugaringon nga panginabuhi, makadugang hin kita, ngan maging mas marig-on ha pag-atubang han adlaw-adlaw nga panginahanglan.