GOV.PH
πππ-ππππ πππ ππππππππππππππ
15 September, 2026
πππ-ππππ πππ ππππππππππππππ: Personal nga bumisita hi Mayor Lovely Yu-Castro, kaupod an tinaglawas han National Commission of Senior Citizens (NCSC), kan Lola Florencia Permito, an ginkikilala nga pinakalagas nga buhi nga Alangalanganon, ha paghatag hin espesyal nga pasidungog han iya pagkab-ot han iya ika-100 nga tuig.
Nag-100 anyos hi Lola Florencia dida han Agosto 6, 2026. Ha ira pagbisita, personal nga iginhatag ha iya an mensahe tikang kan Presidente Ferdinand R. Marcos Jr., kaupod an β±100,000 nga cash gift pinaagi kan PDO Menchie Homeres han NCSC Region VIII.
Daku nga kalipay para ha Lokal nga Panggobyernohan han Alangalang nga mahatagan hin higayon nga personal nga makigkita ngan makig-istorya kan Lola Florencia, ngan maipakita ha iya an aton pagrespeto ngan pagpasalamat ha iya hilawig nga kinabuhi.
Sugad nga Oldest Living Alangalanganon, tatagan liwat hi Lola Florencia hin β±25,000.00 nga cash gift tikang ha LGU Alangalang, komo pagkilala han iya kinabuhi ngan han importante niya nga bahin han kasaysayan ha aton komunidad.
Presente gihapon pagbisita hira SB Member Hon. Blesilda Yu, upod an mga opisyal han Alangalang Senior Citizen Federation nga pinangungunahan ni President Virgilio Maboloc, OSCA Head Mrs. Corazon Ramos, ngan MSWDO Staff Mrs. Analyn Catindoy.
An ika-100 nga tuig ni Lola Florencia diri la usa nga numero. Usa ini nga kinabuhi nga puno hin mga eksperyensya, sakripisyo, ngan mga istorya nga naging kaparte na han aton pamilya ngan komunidad.
Tikang ha LGU Alangalang, Happy 100th Birthday, Lola Florencia! 
