“𝐖𝐞 𝐚𝐫𝐞 𝐧𝐨𝐭 𝐣𝐮𝐬𝐭 𝐟𝐨𝐫 𝐭𝐡𝐞 𝐫𝐞𝐜𝐨𝐠𝐧𝐢𝐭𝐢𝐨𝐧 𝐛𝐮𝐭 𝐚𝐥𝐬𝐨 𝐟𝐨𝐫 𝐠𝐨𝐨𝐝 𝐠𝐨𝐯𝐞𝐫𝐧𝐚𝐧𝐜𝐞. 𝐖𝐡𝐚𝐭 𝐰𝐞 𝐰𝐚𝐧𝐭𝐞𝐝 𝐡𝐞𝐫𝐞 𝐢𝐧 𝐀𝐥𝐚𝐧𝐠𝐚𝐥𝐚𝐧𝐠 𝐢𝐬 𝐟𝐨𝐫 𝐭𝐡𝐞 𝐩𝐞𝐨𝐩𝐥𝐞 𝐭𝐨 𝐟𝐞𝐞𝐥 𝐭𝐡𝐚𝐭 𝐭𝐡𝐞 𝐠𝐨𝐯𝐞𝐫𝐧𝐦𝐞𝐧𝐭 𝐢𝐬 𝐞𝐱𝐢𝐬𝐭𝐢𝐧𝐠 𝐛𝐞𝐜𝐚𝐮𝐬𝐞 𝐨𝐟 𝐪𝐮𝐚𝐥𝐢𝐭𝐲 𝐬𝐞𝐫𝐯𝐢𝐜𝐞𝐬 𝐭𝐡𝐚𝐭 𝐰𝐞 𝐚𝐫𝐞 𝐩𝐫𝐨𝐯𝐢𝐝𝐢𝐧𝐠 𝐭𝐡𝐞𝐦.”

Ini an naging mensahe ni Mayor Lovely Yu-Castro durante han guin dumara nga 2026 Regional Local Governance Champions (RLGC) Assessment ha Lokal nga Panggobyernohan han Alangalang kakulop ha pangunguna han Department of the Interior and Local Government (DILG) Regional Office VIII.

An an mao aktibidad in higayon para ipakita han LGU Alangalang an padayon nga paningkamot hini ha pagpatuman han maupay, responsable, klaro, ngan people-centered nga paggobyerno, sugad man ha paghatag hin epektibo ngan kalidad nga serbisyo publiko ha mga Alangalanganon. An RLGC in nagtatagad han performance han LGU ha napulo nga importante nga bahin han paggobyerno, tikang ha financial administration ngan disaster preparedness ngadto ha social protection, health, education, peace and order, environment, tourism, ngan youth development.

Ginpangunahan an mao assessment nira Cluster Heads Mauricio Labado, Jr., Estela Creer, ngan Engr. Nida Dela Cruz, kaupod hira LGOO V Anne Celeste Agabe-Alaon, LGOO II Geraldine Boco, Engr. Jomar Guya, ngan LGOO II Jayson Silvano ngan LGOO II Jayson Silvano, nga naghatag han ira eksperto nga paggiya ngan pag-evaluate han mga programa, sistema, dokumento, ngan mga pamaagi han LGU ha pagserbisyo ha katawhan.

Ha iya mensahe, iginpahayag ni Mayor Yu-Castro an iya kinasingkasing nga pagpasalamat ha DILG tungod han padayon nga paggiya ha LGU Alangalang ha pagpauswag han kalidad han serbisyo ngan pagparig-on han mga prinsipyo han good governance.

Ginpahayag liwat han alkalde an iya pagpasalamat ha ngatanan nga Sangguniang Bayan Members, mga Department ngan Section Heads, LGU key personnel, ngan mga tinaglawas han mga National Government Agencies (NGA) ngan academe nga padayon nga nakikiusa ha mga pangalimbasog han munisipyo.

Kinasing-kasing gihapon an iya pagpasalamat han DILG Alangalang, labi na kanda MLGOO Glenn Amon ngan LGOO I Josie Mae B. Elvina, tungod han ira padayon nga suporta, paggiya, ngan pagbulig ha LGU ha pagpangandam ngan pag-atubang hini nga assessment.

Para kan Mayor Yu-Castro, an RLGC diri la usa nga kompetisyon para hin pagkilala. Labaw ha ngatanan, usa ini nga pahinumdom nga an tinuod nga suroklan han maupay nga paggobyerno amo an serbisyo nga nahihimo nga mapulsanon ngan nababatian han katawhan.