GOV.PH
Pormal nga kinarawat ni Mayor Lovely Yu-Castro an Report on the Result of the Preliminary Assessment o kun RRPA tikang kan CHED Regional Director Dr. Maximo Aljibe, kakulop ha CHED Regional Office VIII, tigaman hin usa nga importante nga pitad ha padayon nga pag-establisar han Community College of Alangalang (CCA).
13 August, 2026
An RRPA in resulta han preliminary assessment han CHED ha mga kinahanglanon ngan han kabug-osan nga kahimtang han mao nga kolehiyo. An pagkarawat hini in naging usa nga higayon nga puno hin kalipay ngan pagpapasalamat mahitungod nga an syahan nga damgo la in nagtitikang na nga maging realidad.
Kaupod ni Mayor Yu-Castro ha pagkarawat han dokumento hira CCA President Dr. Ronald Madera ngan SB Committee Chair on Education Hon. Ketchie Rex Barrantes, upod hira Mr. Emmanuel Caones ngan Mr. Denver Quemado, mga miyembro han CCA Technical Working Group (TWG).
Sulod hin mga tuig, gin-agian an iba-iba nga mga pagsari, pag-andam, ngan pagpinaninguha han Lokal nga Panggobyernohan han Alangalang ngan han mga kaapi han CCA. Yana, an mga pangandoy nga ginpundar pinaagi hin padayon nga trabaho in hinay-hinay na nga nagigin kamatuoran.
“We want an Alangalang where nobody is left behind. Where every child, regardless of where they come from or how much their family earns, has a fair chance to finish college and build a better future,” sumala han usa nga Facebook post han alkalde.
Diri la ini usa nga dokumento kundi usa ini nga tigaman nga an CCA andam na magserbe ug maghatag hin oportunidad ha edukasyon para ha kabataan han Alangalang.
Uswag pa, Alangalang!
