LIBRENG SAKAY PROGRAM: Pinangunahan han Lokal nga Panggobyernohan han Alangalang

LIBRENG SAKAY PROGRAM: Pinangunahan han Lokal nga Panggobyernohan han Alangalang, Leyte an distribusyon han bicycle units ha mga estudyante ha bungto ha Alangalang nga benepisyaryo han Libreng Sakay Program, kanina ha Alangalang National High School Covered Court. Pinaagi han pag-endorso han mga school heads ug District Supervisors han DepEd-Alangalang, 90 nga mga Learners At Risk of Dropping Out o LARDOs an malipayon nga kumarawat han mao nga bisikleta kaupod an ira tagsa-tagsa nga kag-anak. An mao nga inisyatibo in usa nga flagship program ni Mayor Lovely Yu-Castro agod mapahitaas an participation rate ug graduation rate pinaagi hin paghatag hin bisikelta nga magsisigurado nga mapapadangat an kabataan ha eskwelahan. “… to ensure that they can finish their studies kay bubuligan naton hira pinaagi han Libreng Sakay Program. This might be just a bicycle but we wanted to transform the life and living condition han aton mga estudyante until nga makapagtapos hira,” paghatag hin duon ni Mayor Yu-Castro. Dugang pa niya agsob an iya pakigsumpayan ha Department of Social Welfare and Development nga matagan an mga pamilya han mga LARDOs hin pakabuhi ha ilarom han Sustainable Livelihood Program nga mabulig liwat pagsustinar han ira adlaw-adlaw nga panginahangalan. Sugad man iya gin parayaw an padayon nga konstruksyon han Community College of Alangalang ha Municipal Grandstand ug an nakatalaan nga Libreng Pananghalian Program han Local Council for the Protection of Children nga pagbubuhaton hit tuig 2026. “Bisan ano kakuri an aton panginabuhi ngan kabutangan, ayaw kamo kawarayi hin paglaom kay sigurado kita nga dako it ig-uunhan hit kahimtang hit aton pamilya kun maghuhuman kita pag-eskwela,” pagtatapos ni Mayor Yu-Castro han iya mensahe. Sumala pa ha iya, ha kaluyo han kadamo nga mga isyu an natatabo ha bug-os nga nasud ug kaguti han pondo han munisipyo, iya gin sisigurado nga sakto ngan sadang an naiimplementar nga mga programa, proyekto, ngan aktibidades para han pag-uswag pa han bungto han Alangalang. Presente gihapon han mao nga aktibidad an pira nga mga School Heads kaupod hira PSDS Dr. Ofelia Alcober, PSDS Edgar Cativo, LCPC Focal Lizer Peralta, RSW, ngan SB Committee Chair on Education Hon. Ketchie Rex Barrantes. #LibrengSakayProgram #LGUAlangalangLeyte #LovelyAlangalang #UswagPaAlangalang CLICK LINK FOR MORE: https://www.facebook.com/share/p/17HV2u3Fyf/