Kananga Officials Visit LGU Alangalang for Community College Benchmarking

24 July, 2026

𝐊𝐈𝐓𝐀𝐀: Personal nga bumisita hi Kananga, Leyte Vice Mayor Miguel Jorge Tan kaupod an mga Department ngan Section Heads ug iba pa nga mga tinaglawas han Lokal nga Panggobyernohan han Kananga kan Mayor Lovely Yu-Castro, kakulop ha Office of the Municipal Mayor. Panuyo han mao grupo nga mahibaroan an naging proseso han bungto han Alangalang pagtukod han Community College of Alangalang. Subay pa kan Vice Mayor Tan, plano nira mag-abri hin pareho nga eskwelahan ha ira bungto agod mabuligan mapadali an pangeskwela han ira mulopyo. Presente kakulop hira Mr. Emmanuel Caones ngan Mr. Denver Quemado, miyembro han CCA Technical Working Group, nga guin latag an bug-os nga guin agian ngan kun guin tipaunan-o han LGU Alangalang makagtindog han CCA. Guin giyahan naman ni Dr. Rolando Musca ngan CCA College Administrator Dr. Ronald Madera an mga bisita han mga teknikal nga proseso agod mapadali an pangandaman han LGU Kananga. Sumala pa kan Mayor Yu-Castro, an kahimugso han mao nga eskwelahan in tungod han iya pagtuo nga an edukasyon la gihapon it magsusulbar hit kakurian. Ha pagkayana, naghuhulat pa han Permit to Operate tikang ha Commission on Higher Education an CCA mahuman nga makagdeklarar ini han ira syahan nga administrador. #CommunityCollegeofAlangalang #LGUAlangalangLeyte #LovelyAlangalang #UswagPaAlangalang